Asosiy qismga oʻtish
yangiça
Til

· 3 daqiqa oʻqishga

Prezident yangi alifbo haqidagi qonunni imzoladi

2026-yil 21-oktabrda, Oʻzbek tili bayrami kuni, prezident Shavkat Mirziyoyev lotin yozuviga asoslangan oʻzbek alifbosini takomillashtirish toʻgʻrisidagi qonunni imzoladi. Bu haqda Prezident Administratsiyasi rahbari Saida Mirziyoyeva xabar berdi.

Qachondan

Qonun rasman eʼlon qilinganidan olti oy oʻtib — 2027-yil 22-aprelda kuchga kiradi. Ungacha hech narsa majburiy emas, lekin yangi alifboda yozishni bugunoq boshlasa boʻladi.

Alifbo qanday boʻladi

Ilgari 26 ta harf va 3 ta harf birikmasi bor edi, endi 28 ta harf va tutuq belgisi ʼ.

  • Oʻ oʻ oʻrniga Ö ö
  • Gʻ gʻ oʻrniga Ğ ğ
  • Sh sh oʻrniga Ş ş
  • Ch ch oʻrniga Ç ç

ng alohida harf sifatida alifbodan chiqariladi, matnning oʻzi esa oʻzgarmaydi.

Eski yozuvdagi narsalar nima boʻladi

  • Hujjatlar, milliy valyuta va qimmatli qogʻozlar oʻz kuchida qoladi.
  • Davlat organlarining ramzlari, binolardagi gerblar, geografik nomli peshlavha va koʻrsatkichlar yaroqsiz holga kelguncha yoki dasturda belgilanadigan muddatgacha ishlatilaveradi.
  • Darsliklar, peshlavhalar va koʻrsatkichlar yaroqlilik muddati tugagach bosqichma-bosqich almashtiriladi. Saida Mirziyoyevaning soʻzlariga koʻra, bu yoʻl xarajatlarni eng kam darajaga tushirish uchun tanlangan.

Keyin nima boʻladi

Hukumat qonunni amalga oshirish chora-tadbirlari dasturini ishlab chiqadi. UzDaily maʼlumotiga koʻra, buning uchun ikki oy berilgan. Sohalar boʻyicha muddatlar oʻsha dasturda boʻladi.

5-noyabrda Gazeta.uz bilan suhbatda Fanlar akademiyasi Oʻzbek tili, adabiyoti va folklori instituti tilshunoslari Yorqin Odilov va Zohida Muqimova Vazirlar Mahkamasining qarori tayyorlanayotganini aytdi. Ularning soʻzlariga koʻra, alifbo bosqichma-bosqich joriy etiladi va hech kim hech narsaga majbur qilinmaydi. Odilovning taʼkidlashicha, atigi toʻrtta harf oʻzgaryapti, shuning uchun chalkashlik kutilmaydi.

Imlo qoidalarining yangi tahriri hali eʼlon qilinmagan. Isʼhoq kabi soʻzlardagi ajratgich masalasi hozircha ochiq.

Bugun nima qilsa boʻladi

Kutish shart emas. Konvertorimiz matnni uchala yozuv orasida oʻgiradi va uni serverga yubormaydi, klaviatura sahifalarida esa yangi harflarni qanday yozish koʻrsatilgan.

Manbalar